سوق الجنطات المستعملة بالأردن كبير، والسبب واضح: جنط أصلي مستعمل بحالة منيحة ممكن يكون أحسن من تجاري جديد، وبسعر أقل. بس لازم تفحص قبل ما تشتري، لأنه عيوب الجنط مش دايماً ظاهرة.
5 فحوصات قبل ما تشتري جنطات مستعملة
1. الاعوجاج
أكثر عيب منتشر. الجنط اللي ضرب بحفرة بيصير فيه انبعاج بالحافة، غالباً من الجهة الداخلية اللي ما بتبين والجنط مركّب. الفحص الأضمن: يندار على ماكينة الترصيص وتشوف إذا بيلف مستوي.
2. الشقوق
افحص الحافة الداخلية ومنطقة الأذرع وحول فتحات البراغي. الشق ممكن يكون رفيع زي الشعرة. جنط مشقوق بيسرّب هوا وممكن ينكسر.
3. آثار اللحام
اللحام بيبين كخط أو نتوء مختلف عن باقي السطح، وأحياناً بيتغطى بالدهان. لحام بسيط على الحافة ممكن يمشي، بس لحام على الأذرع أو قرب البراغي ابعد عنه.
4. الدهان الجديد
جنط مستعمل مدهون جديد مش بالضرورة عيب، بس اسأل ليش اندهن. الدهان السميك ممكن يخبي معجون أو لحام. طلّع على الجنط من جوّا، هناك العيوب بتضل ظاهرة.
5. التطابق مع سيارتك
القياس، توزيع البراغي (PCD)، الأوفست (ET) وفتحة السنتر: كلها لازم تناسب سيارتك. شرحناها بالتفصيل بمقال كيف تختار الجنط الصح. وتأكد إنه الأربعة طقم واحد بنفس المواصفات.
جنطات مستعملة مع كوشوك
كثير عروض بتيجي «جنطات مع كوشوك». هون لازم تفحص الاثنين: الجنط زي ما شرحنا، والإطار حسب دليل فحص الكوشوك المستعمل، وأهمها تاريخ الإنتاج.
كيف تبيع جنطاتك المستعملة بسعر منيح؟
- نظّفها منيح قبل التصوير، من برّا ومن جوّا.
- صوّر كل جنط لحاله بإضاءة واضحة، وصوّر أي خدش أو عيب بصراحة.
- اكتب المواصفات: القياس، عدد البراغي، ومن أي سيارة.
- اذكر إذا معها كوشوك وشو حالته وتاريخه.
وإذا بدك تختصر الطريق: ابعت الصور والقياس إلنا على واتساب. ببوابة اليرموك بنشتري جنطات وإطارات مستعملة، ومنرجعلك بعرض سعر.
جنطاتك فيها خدوش أو اعوجاج بسيط؟
قبل ما تبيعها برخص أو ترميها، ممكن تتصلّح. تصليح ودهان الجنطات بيرجّعها قريبة من الجديدة، سواء بدك تبيعها بسعر أعلى أو تضل عليها.
أسئلة متكررة
وين ببيع جنطات مستعملة في عمّان؟
هل الجنط الملحوم آمن؟
جنط أصلي مستعمل ولا تجاري جديد؟
كيف أعرف إذا الجنط المستعمل معوّج؟
بدك تشتري أو تبيع جنطات مستعملة؟
للشراء: ابعت نوع سيارتك والقياس. للبيع: ابعت صور الجنطات مع القياس على واتساب ومنرجعلك بعرض سعر.
